چِمَن چَشمان به غیر از تِه نِوینه

سیا چَشمانِ تِه غیری چِه وینه؟

اَگَم نیمیشَ از حرفی نِدیرم

غم و غربت غریبان همنشینه

ترجمه در ادامه مطلب

اشتاردا شهرک کارخونَه دیرَه                         اینه غریبَه هِجّا نِدیرَه

ثِمَر اِنبارها کیَه گَهِستَه                                کرایَه خونه گرون گَهِستَه

ای خدا جا تینگیدَ میگو چی کرون                  اینه لَزَکون بجا چونه سر کرون

کوچیون مونه هَمَه آسفالته                          قدیمیون دَ هِشکی نِموندَه

کوهیون کو دَ مرغداری اییه                           دارونشوندَه هُچِه چی نییه

پس کِشو گِسبِندَها ماست و شیرشون          اَ هَمه دو و کره اَمیوَهاشون

کدخدا مسیح اوزه بنومی                            هَدا اِنگوره هِجُا دَ نییی

نووَ کهریزا آوَه رَوونی                                   حیف کی دارَهاش سَرما بِزییی

عزیزونی که الان حاضِریشین                خَشِ مِی شین صفابخشِ چمایشین

قدِّمیون سر چشمِمون نیایشین           هَمّیون جی چما خاکِ برایشین

خداوندا توان اَردَه کاری کَرونَه                  زِبونِ تات ِ مون زندَه کرونه

الاها تو کمک بر هوشمون کَه                 کتابی درخورِ مردم کَرونَه

که تا بعد از چما باقی بِمونَه                   زِبونِ اشتاردی جی بِمونَه

خداوندا قبولَه دستموندَه هُچِه چی نی     کسی بای رو به اِشدَه ناامید نی

دلِ هر کس همیشه با خدا بی                بدون شک خداجی جی بجا بی

تقاضا دیرونَه کی بخشش کراشَه             سفیدرو وارد محشر کراشه

اَرِندا ای خدا تو مهربونیش                       تَمومِ خلقِ دنیا عفو کراشه 

چما جون طاقتی سوتِن نِدیرَه                 اِشدَه بخشش هنی آخر نِدیرَه

اگر قیمت نِدیرون خلقِ یاندَه                     اِشدَه یاندَه چما قیمت زیادَه

منبع : اشتهارد نت

بُوَشتیم تا کیَمون کارَکِم درد                       سرِ دوشم ایذَره بارَکِم درد

بوشتیم تا بووینم از ننی یام                       بووینم ایکش جی از زنیام

بواجِم اَ دوون دَ از بِشِیمه                          اگر نیمیمه نواجاشه کشیمه

ازِجی همه واری آدمیمه                          خداوند زمین دَ خادمیمه

درستش کردیمه اَنداش بِرِستا                   بواتِش می مریشه ای روز استا

اَ خوشناش چاکَرَ هر چی دلش گوست*اَ خوشناش می بره هر کی دلش گوست

نَه مرگ بد جور میا پشت سرم دَ                 بگردش ایکشی جی تا پرم دَ

هِنَه بیرحم میا چِمّاسَه جونی                    که عینا دشمنی بی ، اِ جی خونی

چه مَردَه ، چه زِنیه ، خوردکِ پیل                تصادف یا زمین لرزه یا جی سیل

مریضی یا کی سکته یا کی پیری              چه مون جنگ ، چه آزادی ، اسیری

چه مون چادِر دَ باشی ، آلک و یا کاخ          هِنَه اَرگَره جونی ، حتی بی آخ

هِنَه ایده نغافل ارگره کی                        کی خارش ناراش حتی سرکی

ایِش سرما ، ایِش گرما ، ای بی نون          همه ایده امیدند همِّشون چون

اصلا نیبت ناها حالی نیه خو                    چلین پیرمرد هالی نیه خو

اگر صد سال دنیا بیمَه باشه                    هنه کی هچه باره نیمه باشه

چه پولدار باشین چه بی پول میمریشین    فقط ای تیکه پارچه می بریشیشن

اَجا اِندا دَ اینه خو نیه دور                       چرا پس بی خودی هی میزنیش زور

بوویندی نه بَمِش دَ چی بپا کرد              دوازده ثانیه همش سوا کرد

اَجا دَ ساختموناهاش خراب کرد             چما ایرانیونش دل کباب کرد

زِنَش بی شو ، شوئش بی زن بیشتر      لذکهایی که بس ریزند بیشتر

همه خاکا بجا اَبَمِ ایش کرد                   نمی ذونم بواجم کی چیش کرد

جی رو خو کار نِدیره جون بِگَردِن            چما را سخته دنیا دَ بِمَردِن

هِنه عادت به دنیامون بکرده                  کی سخته هی بواجون کی بِمَرده

تقی وقتش ایه بیدارو باشه                  همیشه حاضر دیدارو باشه

تو نی باور که ایروز می مریشه             چه سلطان باشه یا جی بیگلریشه

اَرِندا پادشاها بند ، بِشَندی                 کی الان نومَشون جی نی ، کِشَندی

تو هر چی باش پادشاه نییشه             همون  اَ بیگلریشه که اییشه

تقی بیگلر

 معنای شعر در ادامه ی مطلب

کشاورز ِ نمونَه بِی بشون قَهوَخونه       صحرا حرفها بِمونَه ، خستَگی بَرکَرونَه

ای کشاورز نمونه بیا بریم قهوه خونه          حرفهای صحرا (مزرعه) بماند، خستگی در کنیم

قَدیمیون گُذشتُ بِشنَوونَه                       بعد از جیون همَه سرمشق کرونَه

از گذشت قدیمیها بشنویم                      بعد از آنها سرمشق بگیریم

ای ساعتی دوستونمون بُووینون               قدر نَه چِند ساعَتِمون بِزونون

یک ساعتی دوستانمان را ببینیم               قدر این چند ساعتمون را بدانیم

اَنی شینون صحبت شادی کرون               شوخی بِجا هَمیون خندون کَرون

بشینیم و صحبت از شادی کنیم               با شوخی همه را خندون کنیم

دوستی هامون رنگ صداقت کَرون           شوخیهامون رویِ نزاکت کَرون

دوستی هایمان را رنگ صداقت بخشیم      شوخیهایمان نزاکت بخشیم

رفاقتِ قدرِ میگو بِزونون                     ممکنَه کی صَبّا هَنی هِندِگرون نوینون

باید قدر رفاقت را بدانیم                    ممکنه که فردا دیگر ، یکدیگر را نبینیم.